Wakulima wa Ufuta Nsimbo kunufaika na Tani 2.2 za Mbegu bora ya ufuta.

Imewekwa: October 23rd, 2020

Nsimbo- Kapalala

Mbegu ya ufuta Tani 2.24 inatarajiwa kusambazwa kwa wakulima wa zao la ufuta katika Halmashauri ya Wilaya ya Nsimbo ikiwa ni jitihada za Halmashauri ikishirikiana na Serikali Mkoani Katavi  kuboresha Kilimo cha zao hilo la kimkakati.

Mkuu wa Idara ya Kilimo na Ushirika Bw. Paul Sheyo amesema tayari mbegu hiyo ya ufuta tayari  imepokelewa kutoka kwa wakala wa mbegu Nchini ASA  na inatarajiwa kugawanywa katika vyama Vinne vya Ushirika vya Halmashauri ya Wilaya ya Nsimbo ili wakulima katika vyama hivyo vya Ushirika  waweze kugawiwa kwa ajili ya kuendelea na maandalizi ya kilimo cha zao hilo.

Bw.Sheyo amesema mbegu hiyo bora ya Ufuta itakayotolewa  itatosheleza Ekari 1122 za wakulima  wa zao hilo la kimkakati katika Halmashauri ya Wilaya ya Nsimbo  ambapo wakulima wengine wanaolima zao la Ufuta ambao hawatabahatika kufikiwa na mgao wa mbegu bora ya ufuta wameshauriwa kununua mbegu bora ya ufuta kwa wasambazaji wa pembejeo za kilimo.

Amewaasa wakulima wa mazao ya Biashara Nsimbo kuhakikisha kuwa wanashirikiana kwa karibu na wataalamu wa Kilimo katika ngazi ya Vijiji na Kata ili waweze kupata elimu itakayowawezesha kutumia mbinu bora na za kisasa akatika kilimo cha mazao hayo ya Kibiashara ili kuongeza tija katika Uzalalishaji